Aksara Murda

Aksara Rekan

Pasangan Aksara Jawa

Hanacaraka

Tedhak siten

Upacara Adat “TEDHAK SITEN”

( Gagrak Ngayogyakarta )

Slametan “Tedhak Siten” utawi upacara “Tedhak Siten” satuggaling warisan budaya tetilaranipun para pini sepuh, ingkang mengku werdi ingkang luhur, liripun kabudayan punika badhe dados lambang gesangipun lare ing tembe wikingipun.
Dene Tedhak Siten punika dipun adani nalika lare sampun ndhungkap umur 7 wulan utawi pitung lapan. Dados lare sampun wiwit brangkangan, lan rambatan
Dene slametanipun lan uba rampenipun inggih punika:
1. Sekul megana ( apa-apa wis ana) , utawi sega gudhangan
2. Jadah 7 warni ( abang, putih, ireng, kuning, biru, jambon lan wungu )
3. toya kembang setaman
4. pasir utawi wedi
5. andha tebu arjuna (wulung )
6. teken tebu arjuna, lan pisang raja sarta ingkung
7. bokor isi uwos jene sarta arta ( sen, kelip, talen, rupiyah, ringgit,
8. raja brana / raja keputren
9. kurungan,
10. sawarnaning dolan lare, boten kantun kertas lan pontelot

Reroncening adicara
1. Lare dipun tetah Rama ibunipun, wiwit ngidak pasir ( siti ) lajeng ngidak jadah ingkang maneka warni wau. Mligi ramanipun nalika nettah kaliyan nyepengi teken tebu arjuna.
Dene werdinipun lare ngidak-idak pasir ( siti) satunggaling lambang bilih lare badhe miwiwiti gesang ing jagading lare, iingkang ngidak-idak jadah, lambing bilih gesanging lare badhe kalepetan kenging pengaruh saking dayaning kawontenan ingkang maneka warnining kados prlampitaning jadah ingkang dipun damel maneka warni punika.
Tiyang sepuh ngasta teken tebu arjuna, dados gambaran utawi lambing bilih jejering tiyang sepuh, ingkang dumugi tumusing manah murih saget dados tekening lare, murih saget katekan kajengipun
2. Salajengipun lare dipun penekaken andha tebu arjuna, werdinipun “menek tebu” punika dados gambaran bilih gesangipun lare boten nilar trap-trapaning gesang, utawi nglangkungi gesang ingkang tambah inggil
3. Salajengipun dipun linggihaken klasa pasir dipun lebetaken kurungan, ingkang ugi dipun cepaki maneka warni dolanan, lan boten kantun potelot lan buku,
Dene kurungan utawi griya, werdinipun murih lare badhe gesang masarakat ingkang maneka warni kawontenanipun. Dolanan ingkang maneka warni punika. Werdinipun gambar satunggaling pepinginan llare, mila pangajabipun tiyang sepuh ing benjang sageda wicaksana.
Dene dolanan ingkang maneka warni ingkang dipun pilih lare, liripun dados gambaran gesang lare ing tembe wiking .Mila upami lare mangke mendhet potlot werdinipun lare ing tembe badhe dados juru tulis/ carik lsp
5. Salajengipun lare dipun sirami toya kembang setaman. Werdinipun reresik, ingkang mengku pangajab dados tiyang ingkang bebudenioun resik sarta saget ngambar arum
7. Sarta dipun dandosi sabuk wala busana adapt lare. Werdinipun murih lare iung tembe tansah emut tata adat Jawi, utawi dados tiyang Jawi
9. Salajengipun dipun dalaken saking kurungunan , rama-ibunipun kanthi ngasta bokor ingkang isi arta lan wos jene, ingkang dipun wur-wuraken utawi dipun sebar kanthi mungel “kur… kur… kur ( kados yen babon ngudang kuthukipun) lare kanthi brangkangan badhe mendet ingkang ingkang dipun remeni.sakang dipun sebar punika. Mengku werdi kados ing ing nginggil, upami mendet arta antawisipun sen, dumugi ringgit dados lambing tataraning gesang ing tembe wiking
Makaten sawentasi bab bab upacara “tedhak siten” ingkang kula ngertosi, saking pemamggih kula, ing wusana kula sumanggakaken para sutresna budayan
Ngayogyakarta, 23 Juni 2009.

Sumber: https://suwardanijaya.wordpress.com/tedhak-siten/

Slametan

Budaya Jawa ngugemi upacara mirunggan tumrap laku jantraning manungsa, wiwit ing kandhutan, lair, nyambut silaning akrama ngantos dumugi seda. Sedaya wau tansah dipunwujudaken kanthi nggelar slametan, kalebet wujuding slametan tiyang ingkang sampun seda.

Slametan kagem tiyang ingkang seda dipunparani surtanah utawi nggesur tanah ing dinten geblagipun. Surtanah menika dipunwujudaken kanthi damel sekul asahan cacah ganjil manut kekiyatanipun kulawarga ingkang kasripahan, tumpeng cacahing ugi ganjil dipunsigar tengah dipuntata ungkur-ungkuran. Menika ateges sampun ngungkuraken kadonyan tumuju alam kelanggengan.

Slametan ingkang kaping kalih inggih menika dipunarani telung dinanan. Wujud slametanipun sami kaliyan slametan surtanah, nanging tanpa tumpeng adu geger. Slametan pitung dinanan wujudipun ugi sami kaliyan slametan kaping kalih, nanging dipunsarengi tahlilan utawi rasulan. Wujuding rasulan inggih menika sekul wuduk iwak pitik. Menawi para tamu sampun dipunaturi pasugatan, prayoginipun wujud unjukan, dhedhaharan maneka werni lan gule menda kanthi panyuwunan pandonga katampiyo sowan ing Pangayuaning Pangeran.

Salajengipun slametan 40 dinanan, wujudipun sami kaliyan slametan pitung dinanan. Semanten ugi slametan nyatus dinten sarta slametan pendhak pisan, wujudipun sami kaliyan slametan pitung dinanan. Dene slametan pendhak pindho saged tanpa slametan. Ewadene menawa dipunadani slametan, wujudipun sami kaliyan slametan pitung dinanan.

Slametan nyewu dipunarani nyewu dinan. Wujudipun slametan sami kaliyan slametan pitung dinanan, namung kemawon langkung lan dipunpepaki ngangge ngeburaken peksi dara sepasang ingkang  ulesipun pethak. Labangipun pikantuk margi bebas kondur dhateng mula nira tanpa pambegan satunggal menapa.

Menawi nyewu dina wau ngangge mbeleh menda, sasagedipun milih menda ingkang kendhit. Kajawi slametan menapa mesthinipun, limrahipun taksih woten tambahan inggih menika slametan godhongan. Godhong kangge wadhah pasugatan, dipunaturaken dhateng dalemipun para tamu lan tangga tepalih ingkang bakal dipunulemi, naminipun slametan tonjokan. Isinipun piring cacah tiga isi sekul, lelawuhan, lan panganan maneka werni, ugi rantang cacah tiga isi sate lan gule menda, sekul, lan srebet.

Sesampunipun slametan nyewu, sampun boten wonten malih upacara slametan. Kajawi tumrap para ingkang kabadhan, wonten ingkang ngadani slametan haul utawi kol-kolan. Wancinipun boten mesthi, wonten ingkang pendhak taun, pendhak windu, lan sapiturutipun. Wujuding  slametan, limrahipun ngangge panganan ingkang dados pakaremanipun almarhum/almarhumah, kanthi ngaturi rawuhipun tangga tepalih, kulawarga cinaket, dipuniseni ngangge wasita adi, upaminipun sujarahipun almarhum/almarhumah ingkang sae-sae, supados dados tuladha lan dipuntiru.

Kapethik saka: Solopos (Jagad Jawa), 8 Desember 2011

Sumber: LKS Muatan Lokal Bahasa Jawa SD/MI kelas VI Semester Gasal

Silsilah mahabharata

Sumber: https://tokohwayang.wordpress.com/2009/11/13/silsilah-mahabarata/

Asal-usul kitha semarang

Kitha Semarang

Asal-Usule Kutha Semarang Kacarita ing Kasultanan Demak ana sawijining pangeran kang ajejuluk Made Panda. Panjenengane kagungan putra aran Raden Pandan Arang. Ing sawijining dina Raden Pandan Arang sarta para pandhereke nyumurupi bab kang nyalawadi. Ing lemah kang subur iku prenahe sela-selane tanduran tuwuh wit asem sing pating plencar arang-arang. “He, sedulurku kabeh padha gatekna,” pangandikane Raden Pandan Arang marang para pandhereke. “Wonten menapa Raden?” Pitakone saperangan pandherek. “Sawangen! Ing sela-sela tanduran kang subur iku, tuwuh wit asem,” pangandikane raden Pandan Arang. “Oh, inggih leres Raden.” Tumangape wong-wong sing dherekake. “Ning kok sajak nyalawadi temen,” Pitakone wong-wong mau rada gumun. “Aneh, wit-witan asem iku thukule rada adoh-adoh utawa arang-arang. Kamangka lemah kene subur. Mesthine tuwuhe kerep ora arang-arang ngene iki”. “Inggih leres Raden, menika tuwuhipun sajak nyalawadi,” sambunge para pandhereke. “Mula iku para sedulur, padha seksenana. Amarga iku, thukul wit asem sing arang-arang wewengkon iki dak arani Semarang — (diarani Semarang – saka asem arang).

Sumber: http://nguriurijawa.blogspot.co.id/2013/10/asal-usule-kutha-semarang.html

Dasanama

Ati = driya, galih, kalbu, nala, panggalih, prana, tyas, wardaya.
Anak = atmaja, putra, suta, siwi, sunu, tanaya, weka, yoga.
Bapak = rama, sudarma, sudarmi, yayah.
Bumi = bawana, buwana, bantala, basundara, basundari, butala, buntala, jagad, kisma, mandhala, pratala, pratiwi.
Dalan = dlanggung, enu, gili, hawan, lebuh, lurung, marga, ratan, sopana.
Desa = dhekah, dhukuh, dhusun.
Kethek = wanara, rewanda, kapi, juris, palwaga, wre, pragosa

Banyu = warih, her, tirta, we, ranu

Ilang = nir, musna, sirna, mendra

Geni = agni, brama, latu, pawaka, dahana

Kalah = kasor, kawon, kaseser, kalindhih, katitih

Dhewe = pribadi, priyangga
Gawe = kardi, karya, karti.
Ibu = biyang, biyung, indhung, puyengan, rena, umi, wibi.
Jeneng = asma, jejuluk, parab, rum-rum, sambat, wewangi.
Kanca = kanthi, rewang, rowang.
Lara = agring, gerah, gering, roga.
Mangan = boga, bukti, dhahar, madhang, nadhah, nedha.
Mati = antaka, ngemasi, lalis, lampus, layon, lena, mancal donya, murud, padhem, palastra, pralaya, pralena, seda, tinggal donya.
Omah = graha, panti, wisma, yasa, griya.
Pinter = guna, lebda, limpad, nimpuna, putus, wasis, widagda, widura, wignya.
Rambut = keswa, rema, weni
Rusak = brastha, punah, rabasa, remak, rug, rurah, swuh.
Slamet = basuki, raharja, rahayu, swasta, yuwana.
Sirah = kepala, kumba, murda, mustaka, ulu, utangga
serik = eru, rengu, runtik.
Seneng = remen, girang, harsana, harsaya, sukengkapti, trustha
Sedhih = duhkita, kingkin, margiyuh, rimang, rudah, rudatin, rudatos, rudita, sungkawa, susah, tikbra, turda, wigena.
Turu = guling, nendra, sare, tilem
Udan = jawah, riris, warsa.
Utusan = caraka, cundhaka, duta.
Wadon = dayinta, dyah, gini, juwita, putri, retna, rini, wanita, wanodya.
Weruh = andon, myat, priksa, udani, uning, uninga, upiksa, wikan, wrin.
Wong = jalma, jana, janma, manungsa, manus, nara

Kula nambahi sakedhik nggih Pak Admin.
Abang = abrit, mbranang, dadu, jingga, merah, rekta
Alas = jenggala, wana, wanadri
Anggone = olehe, denya, dera, denira.
Anom = mudha, taruna, taruni.
Arep = ayun, apti, arsi, arsa, septa.
Asu = sona, srenggala, anjing, cemera.
Banget = dhahat, luwih, asru, mandra, sakamantyan, tan sipi, arda.
Bangke = parasu, kunarpa, wangke, sawa, kuwanda, mayit.
Beda = beneh, liya, pae.
Biyen = dhingin, dihin, riyin, nguni, duk ing kuna.
Bodho = pengung, kumprung, jugul, punggung, pingging, mudha, mudha dama.
Dalan = marga, margi, lurung, enu, delanggung.
Dhewe = piyambak, pribadi, priyangga, anggana.
Dhuwit = arta, yatra, uwang, picis.
Dhuwur = luhur, inggil, dhuhur, punjung.
Duta = caraka, cundhaka, wimbasara, gandhek, kongkonan, kengkenan, utusan.
Endah = peni, raras, raras rum, halep, resmi, wicitra
Emas = kencana, kanaka, jene, rukma, suwarna, rukmi.
Embok = biyung, wibi, umi, biyang, ibu, rena, indhung,
Galak = rota, lodra, rodra, krura, kruraya, praglaba, wirodra, wiroda, darpa, darpaya.
Gawe = kardi, karya, karti, yasa, makirtya.
Godhong = ron, patra, rondhon.
Gunem = wacana, angling, wicara, wuwus.
Jurang = parung, sigrong, trebis, trejung, rejeng
Kabeh = sadaya, sagung, sanggya, salir, salwir, sakalir, sakweh, sadarum.
Kalah = kandhah, kandhih, kandhap, kelindhih, ketitih, kasor.
Kangen = oneng, wulangun.
Kasmaran = kepencut, kesengsem, brangta, brangti, wuyung.
Katon = keksi, kawistara, kasatmata, kawuryan.
Karep = kapti, kayun, karsa.
Kawruh = guna, pangawikan, sastra, wedha, widya.
Kendel = nirbaya, nirbita, sura, wani, sudira.
Keris = dhuwung, wangkingan, katga, curiga, suduk.
Kethek = juris, rewanda, munyuk, wre, palwaga, wanara, kapi.
Kewuhan = wagugen, kepwan, keron, kewran, kaweken.
Kidang = mrega, arina, saraba, cemuru, wariga.
Kidul = duksina, daksina.
Kobong = kobar, kawlagar, katunu.
Kodhok = wyangga, canthuka, wiyung.
Kombang = bremara, bremari, sadpada, madukara.
Kondhang = kasub, kawentar, kombul, kasusra, kalok, kaloka, kontap, kongas, kajuwara, komuk, kojat, kasumbageng jagat, kaonang-onang, kajanapriya, misuwur, mashur.
Kulit = kusika, carma, walulang, wacucal.
Kuning = gadhing, jenar, pita.
Kuping = talingan, karna, karni
Kuwatir = ganggam, sandeya, sumelang, mamang, uwas, walang ati, walang kayun, walang kapti, walangdriya.
Lanang = jaler, jalu, kakung, priya
Langit = akasa, antariksa, awang-awang, bomantara, dirgantara, gegana, jumantara, tawang, widik-widik, wiyati, wyat
Lawang = kori, wiwara.
Lestari = widada, lestantun, sempulur.
Lintah = uta, wredhu angga.
Lintang = kartika, sasa, sudama, tranggana, wintang
Lungguh = lenggah, sila, linggih.
Macan = mong, sardula, singa
Manawa = manawi, yen, yan, lamun, kalamun, bilih.
Manuk = peksi, kaga, kukila.
Mata = aksi, eksi, mripat, pandulu, nètra, soca
Menyawak = kawuk, salira.
Ndeleng = ndulu, natmata, mangeksi, mulat, miyat, anon.
Panah = astra, bana, jemparing, naraca, sara, warastra
Pandhita = ajar, dwija, dwijawara, maharsi, mahayeksi, muni, resi, suyati, wiku, wipra, yogiswara
Perang = bandayuda, jurit, laga, pupuh, rana, yuda
Pinggir = tepi, swamipa, imbang, iring.
Putih = dwala, pingul, sèta
Ratu = aji, buminata, bumipala, bumipati, dhatu, katong, naradipa, naradipati, narpa, narpati, narendra, nareswara, nata, pamasa, parameswara, raja, sri, sirbupati
Rembulan = badra, basanta, candra, lek, sasadra, sasn=angka, sasi, sitoresmi, sitengsu, wulan
Segara = ernawa, jalanidhi, jaladri, laut, samodra, tasik, udaya
Sènapati = bretyapati, hulubalang, narawara, sènapatya
Sorot = sunar, sunu, cahya, prawa, praba, senen, sirat, kenyar, ujwala, ujwalita.
Srengèngè = arka, aruna, bagaskara, bagaspati, baskara, dèwangkara, pradangga, radutya, raditè, rawi, surya, we
Tansah = sanityasa, lana, anggung, manggung, lumintu, lumintir.
Tuladha = kupiya, palupi, conto, darsana, lupiya.
Ula = naga, sarpa, sawer, taksaka
Untu = denta, waja.
Wadya = bala, tantra, wadyabala, wadyatantra, balakoswa, bretya, wrahatbala.
Wangi = arum, amrik, sumrik, minging, ngambar.
Wetu = wedal, wiyos, wahya, wedhar, babar, mijil, wimba, wurya

Sifat lan Kegunaan tembang macapat

1. Tembang Pocung, Sifat : Sapenake, guyon. Gunane : Kelakar, teka-teki lucu, nasehat.
2. Tembang Mijil, Sifat : Gandrung-gandrung, prihatin. Gunane : Ngungkapke rasa prihatin.
3. Tembang Maskumambang, Sifat : Susah, prihatin. Gunane : Ngungkapke rasa susah.
4. Tembang Kinanthi, Sifat : Pangarepan gandrung. Gunane : Ngungkapke rasa susah amarga tresna.
5. Tembang Durma, Sifat : Tegang, nesu, dendam. Gunane : Kanggo peringatan, paprangan.
6. Tembang Asmaradana, Sifat : Sengsem, nesu, dendam. Gunane : Ngungkapke rasa susah amarga tresna.
7. Tembang Pangkur, Sifat : Gandrung, tegang. Gunane : Kannggo ngwenehi peringatan.
8. Tembang Sinom, Sifat : Sederhana, susah. Gunane : Nasehat, ngungkapke rasa susah.
9. Tembang Dandanggula, Sifat : Luwes, manis, serba cocok. Gunane : Nasehat, ngungkapke rasa sedih, biasane kanggo ngwiwiti gendhing.
10. Tembang Megatruh, Sifat : Susah. Gunane : Ngungkapke rasa susah.
11. Tembang Gambuh, Sifat : Nerangke, njelaske. Gunane : Kanggo ngajar kanthi katrangan.

Macam-macam Layang

Macem Macem Layang (surat)

Layang iku salah sijine alat utawa piranti kanggo ngungkapake kekarepan ati kanthi cara ditulis. Nalika arep nulis layang bab bab wigati sing kudu digatekake yaiku :

1. Panulisane jeneng kang dituju kudune genep. yen perlu katulis lengkap pangkat / Kalungguhane.
2. Panulisane alamat/papan sing arep dikirim kudu cetha an jangkep. (Prayogane ditulis uga kode pose)

Wujude Layang :

Miturut wujude layang iku ana 6 yaiku :

1. Layang kitir
2. Layang Paturan
3. Layang dhawuh
4. layang lelayu
5. Layang kiriman ganep/ iber iber
6. layang ulem.

Penjelasane 

Layang Kitir

Layang kitir isine cekak/ringkes lan ditulis ing dluwang lan kudu ditengeri. Layang iki kaya dene memorandem (kanggo pangeling eling). Layang iki katulis ana ing dluwang bisa awujud embaran kertas cilik. Layang kitir iki ora merlokaku purwaka basa lan wasana basa, dadi mung isi wae. Isine kang wigati dadi mbutuhake wektu kang cepet dikirim lan ditampa. layang kitir iki bisa tanpa amplop (mbukak) utawa nganggo amplop (nutup). Tuladhane layang kitir yaiku : note, resep dokter, lan liyan liyane.

Layang Paturan

Yaiku layang kang isine aweh weruh utawa ngabari samubarang lan isine kudu dingerteni wong akeh.

Layang dhawuh

Layang kang isine dhawuhe dhuwuran marang andhahane (saka wong sing dhuwur pangkate marang ngisorane).

Layang Lelayu

Yaiku layang kang isine menehi kabar lesusahan utawa layange wong sing ngabari kepaten/ kasripahan.

Layang kiriman ganep / Iber iber

yaiku layang kang isine ganep orang mung mligi sawijine bab, naging jangkep (wiwit daka pembukaan,isi, panutup lan paprenah) isine uga nerangake werna werna ya bab kahanane,suka sukane, kesarasan, lan liyan liane.

Layang ulem

Yaiku layang kang isine undhangan pawongan kang lagi arep duwe gawe (mantu, sunathan, lan liya liyane).

PARIBASAN (PERIBAHASA JAWA)

• Adigang, adigung, adiguna – Ngandelaké kakuwatané, kaluhurané, lan kapinterané.

Mengandalkan dan mengaplikasikan  kekuatannya, kekuasaannya dan kepandaiannya. Misalnya:  Negara Amerika sebagai negara adi kuasa (super power), bersikap demikian terhadap Irak, Libya, Lebanon, Vietnam, Korut dll.

• Bathok bolu isi madu – Wong asor nanging sugih kapinteran.

Orang biasa (bukan pejabat) tapi memiliki Banyak ilmu (para kiyai pondok pesantren yg berilmu shg banyak santri yang datang untuk belajar)

• Becik ketitik ala ketara – becik lan ala bakalan ketara ing mburiné

Baik dan buruk akan ketahuan pada akhirnya, meskipun dirahasiakan. Misalnya: Para pejabat yang korupsi akhirnya ditangkap KPK (Gayus, Dana, Angelina, Nazarudin, siapa lagi,,,?)

• Dhemit ora ndulit, setan ora doyan – Tansah diparingi slamet ora ana kang ngrusuhi

Selalu diberi keselamatan tidak ada aral melintang. Misalnya: Kancil dalam dongeng, selalu selamat meskipun mengorbankan yang lain.

• Emban cindhé emban siladan – Pilih kasih ora adil

Melakukan diskriminasi atau pilih kasih dan tidak adil dalam bersikap. Misalnya: pada jaman orde baru ada diskriminasi antara pribumi dan non pribumi, agama kong hucu dan agama yang diakui di Indonesia. Sekarang tidak lagi ada atas jasa Gusdur.

• Enggon welut didoli udhet – Panggoné wong pinter dipameri kapinteran sing ora sepirowa

Bagaikan menggarami lautan. Orang yang belum banyak pengalaman tapi berlagak di depan pakar.

• Gupak puluté ora mangan nangkané – Mélu rekasa nanging ora mélu ngarakaké kepénaké

Ikut sengsara dalam perjuangan tapi tidak ikut menikmati hasilnya. Misalnya nasib para Veteran (pejuang) yang sekarang mencari nafkah hanya dengan menjual kalender.

• Jer Basuki mawa béa – Samubarang gegayuhan mbutuhaké wragat

Jika ingin sukses harus mau membayar harganya atau menanggung biayanya.

• Kacang ora ninggal lanjaran – Anak niru wong tuwané

Kepribadian anak akan meniru orang tuanya, As the tree so the fruit. Jika orangtuanya cerdas biasanya anak juga ada potensi cerdas.

• Kaya banyu karo lenga – Wong kang ora bisa rukun

Tidak bisa damai, misalnya anjng dan kucing, kucing dan tikus, Iran dan AS.

• Kebo nusu gudél – wong tuwa njaluk wuruk marang wong enom

Orang tua minta belajar sama anak muda. Misalnya: sekarang ini banyak ustadz muda yg mengajar pada jama’ah bapak-bapak atau ibu-ibu.

• Kegedhen empyak kurang cagak – Kegedhén kakarepan nanging kurang sembada

Banyak kemauan tapi tidak mau berusaha keras. Apa daya ungkin kurang fasilitas, maka usahanya harus lebih keras lagi.

• Kuthuk marani sunduk – Ula marani gepuk — Marani bebaya

Mencoba mendekati bahaya. Sudah tahu kalau demo yang anarkis itu berbahaya, jangan dekat-dekat bisa kena bacok atau peluru nyasar. Sebaiknya di rumah saja nonton berita demo di TV.

• Maju tatu mundur ajur – Prakara kang sarwa pakéwuh

Bagaikan makan buah simalakama, bila dimakan rasanya pahit bila tidak dimakan kelaparan, jadi serba tidak enak.

• Nabok Nyilih tangan – Tumindak ala kanthi kongkonan wong liya

Berbuat jahat dengan menyuruh orang lain. Misalnya menyewa pembunuh bayaran, menyanthet  melalui dukun.

• Sapa Sing salah bakal séléh – Sapa sing salah bakal konangan

Barang siapa yang bersalah akan ketahuan juga.

• Tumbak cucukan – Wong kang seneng adu-adu

Orang yang suka mengadu-adu, Misalnya AS dan Israel, untuk melemahkan Umat Islam selalu mengadu-adu antara umat Islam Sunnah dan Syia’h.

• Tulung Menthung – ditulungi malah ngrusuhi

Habis ditolong bukannya berterima kasih tapi malah merugikan si penolong. Misalnya anak yang diongkosi belajar ternyata malah terjerumus narkoba sehingga orangtuanya berantakan.

• Wiwit kuncung nganti gelung – Wiwit cilik nganti tuwa

Nakula / pinten lan sadewa / tangsen

Nakula lan sadewa iku salah siji sana anak lanang kembar saka dewi madrim lan pandu iku titisane dewa jenenge aswin kembar. Nakula pinter pedhang gegaman, nakula wong sing paling bagus ing donya lan ksatria pedhang sing tangguh. Menawi sadewa nduweni sifat rajin banget lan pemikir, sadewa uga pakar ilmu astronomi.

Karakter : watak jujur , setya , manut karo wong tuwane lan bisa jaga rahasia >

neng basa-basi, ora tau mendua lan ora tau ndilat idune dhewe.

Arjuna / permadi

Arjuna iku putra ragil saka dewi kunti lan pandu. Arjuna punika inkarnasi gusti indra, sang dewa perang. Arjuna iku pinter lan seneng tapa lan sinau marang guru. Arjuna nduweni keahlian ing elmu pemanahan lan dianggep minangka ksatria. Kemahirane ing ilmu perang nggawe iku tumpuan saka pandhawa supaya bisa oleh kemenangan gedhe nalika perang nglawan kurawa. Arjuna uga dikenal minangka janaka. Dheweke mimpin kerajaan ing madukara.

Karakter : arjuna nduwe watak wicaksana, meneng, lemah lembut, teliti, sopan, wani lan seneng nglindungi sing lemah.

neng basa-basi, ora tau mendua lan ora tau ndilat idune dhewe.

Bima / werkudara

Putra kapindho pandu karo kunti. Iku jelmaan saka dewa bayu saenggo duwe julukan bayusutha. Kuwat banget, dawa tangan, dhuwur, lan pasuryan sing paling sangar antarane sedulur-sedulure. Malah dadi, kang nduweni ati sing apik. Pinter muter gada gegaman. Nduwe rujak pala jenenge kang klub. Uga di      arani werkudara. Ing wayang jawa, bima duwe anak sing jenenge gatotkaca, antareja lan antasena.

Karakter : duwe sifat lan watak wani, teguh, kuwat, manut lan jujur. Dheweke uga nduweni sifat atos ln medeni mungsuh, malah sanadyan dheweke lanang, manut kanggo sikap, ora seneng basa-basi, ora tau mendua lan ora tau ndilat idune dhewe.

Yudhistira / puntadewa

Yudhistira punika pambarep saka pandawa lima, utawa anak-anake pandu karo kunti. Yudhistira punika inkarnasi gusti yama. Yudhistira mrentah ing kratoning amarta.

Karakter : menehi banget wicaksana, ora mungsuh, meh ora tau ngapusi kang gesang. Duwe dhuwur banget moral, katresnan lan pangaksumo mema’afkan mungsuh sing wis nyerah. Sifat liyane yoiku sabar, jujur, manut, kanggo ajaran agama, kebak kepercayann, lan wani berspekulasi.

Bagong

Bagong menika saking tembung al ba gho ya (perkara buruk) anak bungsu semar utawi punakawan ke-4. Ing cerita punakawan bagong menika tokoh ingkang diciptakaken bayangan saking semar. Bagong nduweni awak lemu kaya semar, bagong menika seneng guyon sampek persoalan sing serius dheweke iso ngajak guyon. Bagong nduweni sifat lancang lan seneng macak goblok dheweke uga lucu. Karakter kang disimbolake saka bentuk bagong menika manungsa kudu sederhana,sabar, lan ora usah seneng karo kehidupan ing dunya. Bagong menika dianggep manungsa sabenere. Dados manungsa sejati inggih menika manungsa ingkan nduweni kelebihan lan kekurangan.

Petruk

Petruk menika saking tembung fat ruk (tinggalkanlah). Petruk menika anak ingkang nomer kalih. Tokoh petruk digambarake bentukipun dawa ingkang nyimbolaken pemikiran ingkang dawa. Manungsa anggone nglakoni urip kudu mikir aja sembarangan lan grusa-grusu lan kudu sabar. Menawi ora sabar mesti bakal ngalami penyesalan ing mburine. Petruk menika tokoh ingkang nakal lan cerdas, nduweni rupa manis lan eseman kang menarik ing ati, pinter omong, lan lucu. Petruk menika seneng nyindir kesalahan-kesalahan lawane.

Gareng

Gareng menika asalipun saking tembung nala khairan (memperoleh kebaikan). Gareng menika anakipun semar ingkang diperoleh saking memuja. Nala gareng menika tokoh punakawan ingkang kagungan badan boten lengkap. Nala gareng menika nggadhahi cacat ing sikil, tangan lan mata. Cacat ing sikil menika nggambaraken manungsa kudu ati-ati nglakoni urip. Cacat tangan menika nggambaraken manungsa isa usaha nanging gusti allah ingkang nentuaken hasilipun. Cacat mata menika nggambaraken manungsa kudu paham karo realitas kehidupan.

SEMAR

Semar menika saking tembung samara (bergegas), lan semar menika pusatipun punakawan. Semar menika disegani kaliyan rencang lan lawan. Semar menika dados rujukanipun para ksatria kangge nyuwun nasihat. Karakteripun semar boten sombong,jujur dan baik. Semar menika nggadhahi driji ingkang nunjuk lan nglambangaken karsa utawi kapinginan ingkang kuat. Mata ingkang sipit nglambangakne ketelitian utawi keseriusan.